ShRoOoq

Very Excellent

المكونات:-
كرنبه

مكونات الخلطه
كيلو طماطم+بصلتين متوسطين+حزمتين كسبرة خضرا +حزمتين بقدونس+7 كوبايات رز+توابل (فلفل-ملح-رشة شطة-بهارات-قرفة-كمون-كسبرة ناشفة)

طريقة تحضير الخلطة
نغسل الرز كويس جدا وبعدين نحط البصل والطماطم على النار شوية وبعدها البقدونس ونطفى النار ونضيفلهم الرز ونقلب وبعدها نحط التوابل ونقلب نيجى بقى للكرنبه هتشيلى ورقة ورقة من الكرنبة وتحطيهم على الترابيزة وقبلها تكونى مجهزة حلة كبيرة فيها ميه ومعلقتين كمون وفصين توم دى اللى هنسلق فيها ورق الكرنب ونغطيها ونسيبها تغلى ولما تغلى نحط فيها كل ورقة لوحدها لمدة نص دقيقة او اقل عشان متتقطعش منك فى اللف ونشيلها ونحط اللى بعدها وهكذا لغاية ما تخلص الكرنبه بعد كده نيجى بقى للتقطيع هتجيبى الورقة وتفرديها على طبق وتقطعى العرق التخين اللى فى النص وبعد كده هتلفى الورقة على شكل اسطوانة وهتقطعى الاسطوانة دى طبعا الكلام ده هتطبقيه على كل الورق وبعدين هتجيبى اى جزء من اللى انتى قطعتيه من الاسطوانة هتفرديها هتطلعلك ورقة طويلة هتقطعيها عشان تاخدى كل ورقة من اللى قطعتيها وتبدأى تحشيها هتجيبى الورقة وتفرديها على الطبق اللى هتحشى عليه ولازم وانتى بتحشى عروق الورقة تكون بالعرض وبعد كده تجيبى كمية الخلطة اللى انتى حباها وتحطيها على طرف الورقة تمسكى الخلطة بالورقة وتضغطى عليهم وتلفى عشان يبقى الصابع متماسك وتكملى لف وتحطى الصوابع فى الحلة بشكل دائرى او بالشكل اللى يريحك وتضعى فى الحلة ورق الكرنب الاخضر اللى بيبقى على الوش وهكذا لغاية ماتخلصى الحلة بس سيبى فيها مسافة عشان الشوربة وعلى فكرة غالبا الكرنبة بتعمل حلتين واحدة متوسطة وواحدة صغيرة وبعد كده نيجى بقى للسواء هتسخنى الشوربة اللى هتسقى بيها الكرنب وهتحطى الحلة على النار وتحطى على الوش معلقة زبدة وتغطى الحلة لمدة ربع ساعه وبعدها تحطى الشوربة بعد ماتكون غليت تحطى لغاية ماالشوربة تبقى فوق الكرنب وبعدها تحطى طبق على وش الكرنب يكون قد الحلة الخطوة دى مهمة عشان الطبق بيكبس الشوربة مع البخار وتخلى الكرنب يستوى كويس وتسيبيه على نار هادية لمدة ساعة ونص ممكن اقل او اكتر انتى لازم كل شوية تكشفى عليه وتحطى الشوكة فى واحدة وتشوفيه استوى ولا لاء

وبالهنا والشفا
 

المواضيع المشابهة

عودة
أعلى